රූ_று_Ru

ආයුබෝවන්_நல்வரவு_welcome

අපි

­රූ_று_Ru ඇයි මේ ගෘෆ් එකට මෙහෙම නමක් දාලා තියෙන්නෙ....
6 hours ago ·  ·  · 

    • Sameera Lakshitha Fernando charitha maaru karana lookaye eka ekkenaage charitha thulin hoda nirmaana bihikiriimatath, ratata vadak athi deyak kirimata punchi ekamuthuvak bihikiriimath udesa.
      5 hours ago ·  ·  1 person

" නාලිනී එන්න මල් පිපීදැයි බලන්න..."

‎.
" නාලිනී එන්න
මල් පිපීදැයි බලන්න..."
.
පැන්සලෙන් ලියූ
මගේ කෙටි පණිවුඩය
නොලැබීද නුඹ නෙතට...
.
පැයෙන් පැය ගෙවෙන තුරු
රැයෙන් රැයෙන් මියෙන තුරු
සිතු - නෙතු වෙහෙස කළෙමි
ඇහිපිල්ලමකු දු නොහෙලා
ඔබ දකිනු රිසියෙන්...
.
හිරු මියැදුණි
මල් පෙති විසිරිණි
සුවඳ වියැකුණි
යුගැස බොඳ වුණි
.
මලින් සරසන්නට හුන්
රන් දෙවොල ද
හිස මතම ඇද හැලුණි...
.
ඉදින්
ආපසු හැරෙමි
මෙහි නොසිට,
කෙටි පණිවුඩයක් පමණක් තබමි
නුඹ ඇස ගැසෙනු පිණිස
.
.
"නාලිනී
එන්න එපා
මල් පිපී නැහැ..."

දුර ඈතක වැජඹෙන සේ මහා කඳු

දුර ඈතක වැජඹෙන සේ මහා කඳු
ගල් කර හිත සඟවා මගෙ කඳුළු බිඳු
පෙම් බර හද ලේ දහඩිය වලින් වැදූ
අතහැරියෙමි පියඹා දුර යන්න සුදූ

ආදරයක ලකුණක් වත් නොතිබු දිනේ
සාගරයක සෙනෙහස ඔබෙ හදින් දැනේ
මාවට උන් ලෝකය මා මැරෙන දිනේ
මා වෙනුවට හඬනව සිහිනනුත් පෙනේ

ටජ් මහලක් බඳවා ඔබ පුද දෙන්න
නැත වස්තුව හිත ඇත ඔබ හට දුන්න
සෙනෙහස ලඟ තියලා මගෙ දුක් ගොන්න
මා අත හැර සුවදෙන ලෝකෙට යන්න

අභිරමණය

‎( උපුටා ගැනීම බුද්ධිකා කුමුදුමලී ද සිල්වාගේ 'අසංඛ්‍ය සිහිනය' කාව්‍ය සංග්‍රහයෙනි )

- මාරයා සහ මෙහෙණිය -

මලක් මෙනි දුනුකේ
පැහැය ඔබගේ අගනේ
තුරුණු ළය මඩලේ
තිසරු සිරවී හිඳී දුක සේ

යව්වනය සොඳුරුයි
වසන්තය ඊට නුදුරුයි
දකුණු මද සුළඟින්
සිතත් කැළඹේ තදිනී

මේ සොඳුරු වනයේ
අප පමණි ඉන්නේ
කෑල මල් පලසේ
එන්න සැතපෙමු රහසේ

පවිටු මාරයා සොඳිනා
තාව හඳුනා ගතිමි ඉඳුරා
තගේ මායම් දැලිනා
තවත් නොබැඳෙමි ඉතිනා

තා කියන අභිරමණය
මට නොවේ අති රමණිය
අසූචියෙන් පිරවුණ
කොතලයකි මේ කය

හරවලා කණපිට
ඉන්ට හැකිවෙද මොහොතක
බලුකපුටුමැසි කැල
කඩකඩා යාවි ලේ මස

නසා භව තණ්හා
සිඳ රාග ආසා
නිවී සැනසී නොඇලී
සොඳුරු නිවනේ හිඳිමී

වැහි බිඳුවක්,,ආදරය කලා

වැහි බිඳුවක්,,ආදරය කලා
ගොඩක් කල් ඉඳන්
වළාකුලකට තුරුලු වී හිඳ
පහතින් පේන දිය බිඳකට,,

දවසක්දා..වළාකුලට ඇන තියගෙන
බොහෝ වේලාවක් කල්පනා කරපු වැහිබිඳුව
එදා උදේම පායපු
පළවෙනි දෙදුන්න දිගේ ලිස්සල පොලොවට ආව
පහලින් පෙනුනු දිය බිඳුව හොයාගෙන,,

ඇවිල්ල බැලුවමලු දැක්කෙ දිය බිඳුවක් වගේ පෙනුනට,,
ඒක වැහි බිඳු ගොඩක් එකතු වෙලා හැදුනු මහ විශාල වැවක් කියල,,,,,,,

කළු වළාවට තුරුළු වී සඳ

‎*********************
කළු වළාවට තුරුළු වී සඳ
බලාගත් අත බලන් ඉනු කිම
හිරුට බැඳි පෙම හිතේ තද කර
ඉකි ගසා දුක් ගී ගයනවද

දෙකම්මුල් තෙත් කරන් වැගිරෙන
කඳුළු පිස දා නෙත් වසාගෙන
පහළ විල වෙත පැන්න පුන් සඳ
හිරුට නොකියම දිවි නසාගෙන

විලේ පතුලට කිඳා බැස ගිය
සඳේ සේයා සොයනු කෙළෙසක
දෙ අත් හිස් වූ කළු වළාකුල
රැයේ ඉකි බිඳ හඬනු ඵල නැත

තොපිලට හෙනද ???

යකෝ සල්ලි ගෙවාගෙන
අපි අපිටම ඇරගෙන
තොපිට CALL කලාම
ඔය නිකන් තියෙන කොලපාට බොත්තම
ඔබන්න
තොපිලට හෙනද ???

පුරහඳ හා කුමුදු


පුරපස සඳ තරහා වෙලා
ම හද කුමුදු මලත් එක්ක
හිනා පොදක් දෙන්නෙ නැහැනෙ
මල් මිනි විකසිත කරන්න

තරු දහසක් මට ඉඟි දෙයි
කුමුදු මලට පණ පොවන්න
නමුදු කුමුදු පුබුදු වන්ට
තරු දවසක එළිය ඇත්ද

නෙක තරු කැට එක් වූවත්
බැහැ පුර හඳ පරදවන්න
එහෙයින් මම පෙරුම් පුරමි
එ සඳ එලිය මැද පිපෙන්න.........

~~~ ඉරිසියාකාර හිනාව ~~~

‎.
හීන පුරවන්න එපා තව සුදු හාමිනේ
මම කෑගහල කියන්නේ කොහොමද
ජීවිතේ ලොකු ගහක්
මම එක අත්තක එල්ලිච්ච මා වවුලෙක්
කෑගහනවා ඇරෙන්න වෙන කතාවක් කොහෙද

විතීර්ණ ලෝකේ ඔයා වෙනුවෙන් එක සුසුමක් වත්
ඉතිරි නෑ දැන්
හැඬුවට නුඹ තැවුනට නුඹ
වැසී ඇති මගෙ සවන් වලට ඇහෙන්නේ නෑ නේ ...???

~~~ ඉරිසියාකාර හිනාව ~~~

කුමරුනී පැමිණෙන්න

උන්මාද චිත්‍රා මමයි
කුමරුනී පැමිණෙන්න
එක් ටැමට වී තවම
මඟ බලා සිටිනෙමී...
නුඹව දැක ගන්න මම
මඟ බලා සිටිනෙමී
නුඹ සමඟ යන්න මම
මඟ බලා සිටිනෙමී..........♥ kc


Kalpani Nisansala Gamage

කෝටියක් සංවර ශීල

සිල් පහක් 
රකිනු බැරි මම
අරින්නම් පලු
ඇතැමුන්ගේ
පේ වෙලා රකින්නට
කෝටියක් සංවර ශීල
බැරිවෙන කොට
දාලම දුවන්න


Hansaka Wickramasinghe

රෝස කටුවට ලය තබා

රෝස කටුවට ලය තබා 
මියෙන තුරු හද තුල ඔබා 
වේදනා අපමන ලබා 
ගී ගයයි ඇය පසු නොබා 

රතු රෝස මල පිපීයන් 
කෙවිලියගෙ ජීවය අරන් 
පෙති වලට රත් පැහැ ගනින් 
ඇගේ ලය උනු රුධිරයෙන් 

මෝඩ පෙම්වතියකට දෙන්නට 
කෝඩු පිස්සෙකු හට පුදන්නට 
කෙවිලි ජීවය පිදූ මලකට 
මිය යන්න විය රෝදයක් යට 

කෙවිලිය සහ රෝස මල පරිවර්ථන කෘතිය ඇසුරිනි
පරිවර්ථන කෘතිය -බොරලැස්ගමුව :කේ. ඒ. පුෂ්පරානි වික්‍රමරත්න
වයිල්ඩ්, ඔස්කා කෘතියකි


Lakmini Madhavi

අසම්මත සම්මතය

අසම්මත සම්මතය

පුරගනන් වෙත ඇදීගියමුත් සැපක් නෑ කියලා
ගැහැනු කවරෙද වරදෙ නොබැදෙන සිතට කාවැදිලා
ගියා මම සුරපුරක බිහිවුන සුරගනක් සොයලා

වදන් පදමට ගොතා ශනිකෙට දෙව්ලොවක් හදලා
ගියා දෙදෙනා දිනක දෙව්ලොව සැප බලමු කියලා
කරපු තොවිලයෙ අවසනට පෙර ඇයම වෙන්වීලා
එපා හමුවෙනු යනෙනු ඈතට නුබ හොදයි කියලා
දිනක කීවා දෙතොල් මතුරා ඈ සිනාසීලා

මටත් මොකටද කිලු‍ටු මල් යැයි ගතින් විමසාලා
මාස සති දින ගෙවී ගිය පසු ඇමතුමක් දීලා
මමම ඇසුවා ඉතින් කොහොමද අනේ නුබ කියලා
මම පවුල් දැන් නමුත් ඉනු බෑ නුබ නැතුව කියලා
ඇයම කීවා පරන කටින්ම මතින් මත්වීලා
-----------හ්ම්ම්ම්ම්ම්ම්ම්---​-------------------
ඉතින් දැන් මන් කියනු කෙලෙසද
මම බැදලා කියලා..................!!!


Sameera Lakshitha Fernando

ආත්මාර්ථය......

ආත්මාර්ථය......
෴___________________෴

දෙදෙනෙකුගෙ අසුනේ
එකෙක් ඈවිදින් වෑටුනේ
බූරු ඇද ඇරුනේ
අනෙකකාට ඉඩ නෑහෑනේ

බූරුවෝ පුත්තලම්
නොවෙති මෙතරම් අවලම්
අනෙකාට ඉඩ නෑතිනම්
රටක් කෙලෙසක පෙරට යානම්....

෴___________________෴
''විප්ලවයට ජය වේවා !!!!!''
෴෴ චේ ෴෴
චේ ගුවේරා

සතුටින් ඉන්නවා නම් මටත් සතුටින් ඉන්න පුලුවන්

ඔයා සතුටින් ඉන්නවා නම් මටත් සතුටින් ඉන්න පුලුවන් ඒ ඔයා මගේ නිසා... 
ඔයා අ‍ඬනවා නම්, මාත් අඬනවා..........
ඒ ඔයා අඬන දිහා මට බලාගෙන ඉන්න බැරි නිසා...
ඔයා හිනාවෙනවා නම්, මාත් හිනාවෙනවා.......
ඒ මගේ හිනාව තියෙන්නේ ඔයා ගාව නිසා....
අද මම ගොඩාක් සතුටින් ඉන්නේ ......
ඔයා මට 'ආ ද ර ය' කරන නිසා.......
♥ k
Kalpani Nisansala Gamage

අමාවක..

පුන්සද
මම දිටිමි 
නුඹේ කළු පැල්ලම
අපේ සමහරු
රැවටිලා ඇත තවම
අහිංසක හාවෙකුය
කියා නුඹ මත..
මම බලන් ඉන්නෑ
තවත් පෙරමෙන්
කිරිත් පැණිත්
ගෙනඑන තෙක් උඹ..
වටහාගතිමි ජීවිතය
අනියතයි උඹ මෙන්ම
ඒ නිසා නේද
පසළොස්වක සේම
අමාවක..


Eranga Hemajith

දැන් අප දුරයි

එක සිතින් කලෙමි
පිව්තුරු ආදරේ
ඇයි ඔබ හැගිම් ගැන
හිතුවෙ...
දැන් අප දුරයි..,,!!!
මම තනිව නොදිව්වෙමි
ඔබ මා දිවෙව්වා නොවෙද...


Shanaka Amal Amal

වෙසක් සතිය

ජනප්‍රිය බුදුදහම

දුටුවාද වෙසක් සඳ
දෙපළුව, දෙපාටකින්
ජනප්‍රිය බුදුදහම
සහ
ගෞතම බුදු දහම ලෙස
තරඟ වැදී????



Pushpa Ramlani

- ස්වයන්වරය -

පැමිණේ සිතුවිලි
අචිරවතිය උතුරුවාන.
කඩාන යයි
එක එක බැමි
පොළොව සමතලා කරගෙන.

කිඹුල්වත් පුර
ශාක්‍යයන් මැද
මම තනි ගස !

දුන්න හීතලය
ඔසවා ගත නොහැකිය
කෙට්ටුය
මජන් කමිසයෙන් වැක්කෙරෙන අත.
ඉතින් ලොරි බොඩියක් පේන්ට් කර
ශිල්ප දක්වමි
නෑයන් ඉදිරිපිට !

රම්‍ය සුරම්‍ය සුබ
මට මේ ගරාජය
කාල තුනට වෙනසක් නැති.
හෙවන දෙන ඉටි රෙද්ද
සල් ගස්ය
දහවල ගිනිගන්න වෙලාවට.

සුදු ඇඳගෙන
බොරු නොකියමි
ස්වයන්වරය දින
'මට හිමි රටක් නැත
ඔබට බැඳි පෙම මිස !



Samitha B. Atuwabendela

කල්ප වෘක්ෂය

මාර දියණියන් තරඟෙට
තොරන් වල රඟා සරුවට
බිමට බැස ඇවිත් ඉල්ලති
කල්ප වෘක්ෂයන් . . . .!


Pushpa Ramlani

- තොරණ -

හිස වටා විදුලි තරු
මරගනන් සේ නටනකොට නොනැවතී
හරී වෙහෙසයි ආනන්ද.
පය පාමුල පින් කැටේ
සර්පයින් දරන ලා සිටියි ආනන්ද.

පිපාසයි ආනන්ද.
තෙහෙට්ටුයි ආනන්ද.

මතකද
මහා කළුගලක් පෙරළුවා වුව
බුදු හිමියන්
පිරිනිවන් පෑවේ නම් නැත.
ආනන්ද
මීට පෙර අසා තිබේද නුඹ 
විදුලි සැර වැදී
පිරිනිවන් පෑ බුදු කෙනෙක් ගැන


Samitha B. Atuwabendela

සැහැල්ලුවක් නැති අපේ



අනේ බුදු හාමුදුරුවනේ
අපි පරාදයි .....
අර උඩ තියන
කොඩිය තරම්වත්
සැහැල්ලුවක්
නැති අපේ
ජීවිත .........


Chandana Ellewala

පොළොවේම පය තබනු !

ඔබ
ගිහියෙක් වුව
පැවිද්දෙක් වුව
ඇත්තම දකිනු !
සිහිනෙන් අවදි වෙනු !
පොළොවේම පය තබනු !

එවිට දැනෙනා
සැහැල්ලුව තරම් සුවයක්
මෙලොව කිසිම කවියක නොසොයනු !

ඇත්තට පුරුදු වුණ විට
දැනෙනා තරම් කවියක්, සුවයක්
තියෙන්නේ වෙන කොතන දැයි කියනු !



Samitha B. Atuwabendela

ආසයි මම නුබේ සිතේ රැදෙන්න

නුබේ ලගින් ආදරයෙන්
හැමදාමත් හිදින්න
නොහැකි උනත් ආසයි මම
නුබේ සිතේ රැදෙන්න.........

වෙනෙකෙකු නුබෙ ලග තනිකම
මකනවා බෑ බලන්න
මගෙ සිතිවිලි නුබෙ තනිකම
මකනවාද කියන්න..........

ලගට වෙලා නොකැකි උනත්
මේ භවයෙදි සිටින්න
මතු භවයෙදි නුබ එනවද
මා එක්කල කියන්න...........



කල්ප චතුරංග එදිරිසිංහ

වේවා මෙය ගනදුර දෙබෑකර පායන හි රු

me ruu
kage ruu
obe ruu
mage ruu
sewaneli ruu
mokakada mee
ruu ruu


Sonduru Sith

සම්බුද්ධ ජයන්තිය

සිතන්නට සිතක් නැති
කූඩු ඇත ලෙලදෙමින්
මද සුළගෙ පහස ලැබ
රැළි සැලෙයි
සිලි හඩින්...
සසර බන්ධන නසා
ලැබූ උතුම් බුදු පදවි
තිලෝඅග සම්බුද්ධ
දහම ඇත වැනසෙමින්...
පිළිවෙතින් පෙළගැසී
සුදුවතින් සැරසිලා
කළු දුදන උපාසක
පන්සලට ඇවිල්ලා
හැමදාම සිල්ගන්න
උපාසක විසිවෙලා
බුදු දහමෙ රන් කිරුළ
දුදන හිස වැජඹෙනා...
පිරිත් පොත් පිටු අතර
මොනර කොළ හිරවෙලා
කසාවත බොහෝවිට
වැරදි අය පොරවලා
රටේ පොදු මාධ්‍යය
සෝවාන් ඵල ලබා
සම්බුද්ධ ජයන්තිය
මගුල් දිනයක් වෙලා...


Eranga Hemajith

දෑත් අල්ලන් යමු එකඟව

ඔබ ඔබේ ගමන යන්න
මම මගේ ගමන යන්නම්...
කොතනකදී හෝ අපට 
අපේ ගමන යා හැකි නම් 
දෑත් අල්ලන් යමු එකඟව
එතෙක් ඔබ යන්න...
මමත් යන්නම්.......


මේඝ මානසී

ඉරිසියාකාර අහස

එකින් එක
බිම වැටෙයි
ඇහැළ මල්
මවයි
සුන්දර දසුනක්
ආසයි ඇවිදින්න
ඇහැළ මල් බුමුතුරුණ මත
පියනගා හිමි හිමින්...

ඒත්..

ඉරිසියාකාර අහස
දොඹ සයිස් වැහි බිංදු
වැට්ටුවේ
ඇහැළ මල් පාපිස්ස උඩ

දැන් ඉතිං
චොර චොර මඩ එක්ක
මොන මල් බුමුතුරුණුද
ඊයා..
Sisira Kumara

රස විඳින්නට ඉඩක්

ගෙවෙන තරමට තවත් අලුත් වන
අලුත් වන තරමට ම රස පිරෙන
පිරෙන තරමට හිතෙන් තලු මරන
තලු මරනවා විනා
රස විඳින්නට ඉඩක් නොම ලැබෙන
අනාගත සැළසුම්කරණයකි නො නවතින


Sisira Kumara

අතීතය නපුරු වී

හැඩ කරන්නට දඬුවම් කළෙමි.

වීරයෙකුගේ
මිටමෙලවූ ශක්තිමත් අතක් බඳු 
පොල් ලීය 
වහලෙට අත තබාගෙන
සෙවන ඔසවාගෙන. 

දිදී පොල් ගෙඩි 
ගේ ළඟ හැදුණු වැඩුණු 
කප්රුක මරා
ඔබ පැහැර ගතිමි.
සැර වෑයෙන් 
ඔබේ ඇඟමස රැහැ රැහැ 
හැඩ කරන්නට දඬුවම් කළෙමි.

එහෙත් අමනාප නොවී 
ගෙදර කිසිවෙකු සමග 
සදා වහලය ඔසවනා ඔබ
කියන් කවර උතුමෙක්ද 


Samitha B. Atuwabendela